"Жас маман - 2022"

Балабақшамызда 18.04-22.04 аралығында "Жас маман-2022" сайысы өтті. 
Байқау жоспарына сай қатысушылар «Мен заманауи тәрбиешімін» таныстыру презентациясын қорғау, «Ашық ұйымдастырылған оқу қызметтері», «Менің жетістіктерім» өз білімін жетілдіру тақырыптарын іске асыру мақсатында дидактикалық материалдар жиынтығынан мастер-класс көрсету сияқты берілген кезеңдерде бақ сынады. Байқауға үміткерлер белсене қатысып жүлдегерлер анықталды. Байқауға қатысқан 7 жас маманның барлығы да өз ісінің майталманы болуға лайықты екендігін қазылар алқасы атап өтті. Іс-шараның қорытындысы бойынша 1-орынды балабақша педагог-психологы Даулетбаева Ардақ Жанайдарқызы қанжығасына байлады.  2 - орынды дене тәрбие нұсқаушысы Ботабаева Жанерке Тұяқбаевна иеленсе, 3 – орынды балабақша логопеді Оразалинова  Әсел Нұрланқызы иеленді. Бас жүлдені «Балапан» мектепалды даярлық обының тәрбиешісі Жанатай Райгүл Сағатқызы жеңіп алды. Сайысты әділқазылар ізгі тілектерімен қорытындылап, жас мамандарға шығармашылық табыс тіледі.